نشر الفنان عمر كمال عبر حسابه الشخصي على فيسبوك رسالة مؤثرة بعد حفل زفاف شقيقته يوم أمس.

وقال عمر كمال في المنشور " امبارح كان فرح أختي وحبيت أعمله ف السويس وسط أهلي وناسي، وبصراحة الناس وقفت معايا وكان أحلى يوم في حياتي.. فحابب أشكر مدير أمن السويس وكل القيادات الأمنية ف المحافظة".

تابع " حابب أشكر كل أهلي وناسي وصحابي السواسية اللي نوروني وشرفوني قدام ناسي وضيوفي"

وشكر كمال جميع من حضر حفل زفاف أخته والنجوم الذين شاركوها الفرحة .

ختم حديثه" طبعا أخواتي الكبار والصغيرين اللي متعود منهم انهم في ظهري ومكبرينى قدام ناسي وأهلي نجوم مصر ونجوم الوطن العربي كله اللي شرفوني وفرحوني وفرحوا أختي ومن غيرهم اليوم مكنش هيبقى ليه أي لزمة.. شكرا من قلبي ليكم وربنا يقدرني وأرد جمايلكم عليا".

و دعم الفنان عمر كمال صحفيين الفن برسالة من خلال منشور قام به خلال حسابه الشخصي على موقع فيسبوك.

كتب عمر كمال "الصحفيين والمراسلين دول بنى أدمين على فكرة وبيحسوا وعندهم شعور زينا ديه معلومة فايتة فنانين كتير، يبقى الفنان أو المنتج بتاعته أو مدير أعماله داعى الميديا صحافة وقنوات ومواقع يغطوا الحدث بتاعه سواء فيلم أو أغنية أو أي عمل والناس تيجي تعمل شغلها.. تلاقيهم بيعاملوهم بمنتهى قلة الأدب والذوق شاب / شابة يا عينى تلاقيه جاى موصلات ولا واخد عربية على حسابه ومستنى الأستاذ بالساعات وياريتهم بيجوا في مواعيدهم لازم التأخير كام ساعة عشان خاطر النجومية تظبط والكاريزما.. ويتنطط عليهم ويحرجهم وكأنهم بيتطفلوا عليه مثلا ما هما جايين عشان يساعدوك ف نجاحك هما مش أعدائك ".

وأضاف " اللي يحرجك أحرجه واللي يتنطط عليك سيبه وأمشى أنتوا بترضى على نفسك كده ليه مش فاهم".

واحتفل المطرب الشعبي عمر كمال بعيد ميلاد صديقه الفنان حسن شاكوش، وذلك عبر حسابه الشخصي بموقع تبادل الصور والفيديوهات "إنستجرام".

ونشر الفنان عمر كمال صورة عبر حسابه تجمعه بزميله الفنان حسن شاكوش وعلق على هذه الصورة قائلًا: "كل سنة وانت طيب يا حسن عقبال مليون سنه".

ويذكر ان آخر أعمال المطرب الشعبي عمر كمال هي أغنية بمناسبة حلول شهر رمضان المبارك 2023، والتي تحمل اسم أهلًا رمضان.

المصدر : وكالة سوا - الفجر