أعلن الإعلامي إيهاب صالح على حسابه الخاص على "تويتر" عن تعاقده رسمياً مع الفنانة المصرية كارمن سليمان وتوليه إدارة أعمالها، وتوقف التعاون بينه وبين الفنانة شيرين عبد الوهاب.

وكتبت كارمن سليمان على حسابها الرسمي "تويتر" موجهة تعليقها لإيهاب قائلة "يا بوب أنا اللي مبسوطة جداً جداً وان شاء الله نكسر الدنيا مع بعض"، ليرد عليها إيهاب "دايماً سعيدة يا رب وإن شاء الله اللي جاي فرحة عارمة والتكسير جاي كده كده متقلقيش".

ماذا قال مدير أعمال شيرين السابق عن كارمن سليمان؟

واستكمل مدير أعمال كارمن سليمان الجديد: من وجهة نظري هي المستقبل عشان عندها كل الامكانيات و هي عارفة إني فان كبير ليها من قبل مشتغل معاها فعلا.. كارمن إن شاء الله الميجا ستار القادمة من مصر للكل الفترة الجاية وافتكروا كلامي ده كويس.

رسالة مدير أعمال كارمن سليمان لجمهورها

وأضاف مدير أعمال شيرين السابق: "لجمهور كارمن بقى.. الكل يجهز نفسه كويس عشان إن شاء الله في أخبار كتير حلوة و جامدة قريبا و يا رب ابقي عند حسن ظنكم".

إيهاب صالح يكشف سبب توقف تعاونه مع شيرين عبد الوهاب

وأعلن إيهاب صالح عن تركه مسؤولية إدارة أعمال الفنانة شيرين عبد الوهاب قائلاً "جمهور شيرين العظيم الحمد لله على نجاح حفل جدة كما كان متوقع وده العادي بتاع شيرين في أي حفلة، أجلت الإعلان بالقرار ده لحد بعد الحفلة وحابب أشكركم جداً على كم الدعم الرهيب خلال الفترة اللي فاتت ليها في المقام الأول وطبعاً بعد كده ليا، قررنا أن من الأفضل لينا أن نحط صداقتنا والعشرة قبل أي حاجة وابتعد عن إدارة أعمالها وده أكيد لمصلحة الطرفين ولينا أسبابنا".

مختتماً تعليقه "أحب اشكر كمان جمهورك اكيد اللي مشوفتش منه، غير كل خير و حب ، شكرا بجد من كل قلبي، واكيد شكر كبير لسيادة المستشار تركي آل الشيخ (أبو ناصر) على كم الدعم الكبير منه، بمجرد إنه شاف صورة رجوعك للاستوديو وقد إيه كان مهتم بشيرين، ومقدر قيمتك وتقديرك بشكل يليق بيكي صوت احساس العرب، وده مش غريب عليه، ودايما في ضهر كل الفنانين العرب كده كده، دي شهادة حق لازم تتقال".

 

 

المصدر : وكالة سوا-مصراوي