شاهد: رضوى الشربيني تعلق على سجدة زوجة حسن شاكوش
علقت رضوى الشربيني على سجود ريم طارق زوجة حسن شاكوش، خلال حفل زفافهما، خاصةً أن الصورة التي تم تداولها لها فسرت على أنها شكر لله على زواجها من شاكوش، وأثارت ضجة كبيرة على مواقع التواصل الاجتماعي خلال الساعات القليلة الماضية.
وقالت رضوى، في برنامجها "هي وبس"، "كتير من الناس طالبوني بالتعليق على الصورة الواقعة، هقول إيه ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس، صحيح هي حركة أوفر جدا".
وتابعت "وآخر حاجة كنا بنشوفها إن لاعيبة الكورة يسجدوا لما يجيبوا جول، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناهاش الكلام ده قبل كده".
وأضافت رضوى "ولكن كل واحد حر يعبر عن فرحته بالطريقة اللي تعجبه دي مش مشكلتنا، لكن مشكلتنا في المنظر اللي شايفينه ومش عايزة اللي حصل ده يبقى تريند والعرايس يوم فرحهم يسجدوا قدام الناس كده، لأ لأ إنتي تسجدي لربنا على جوزك في أوضتك".
