ياسمين عز تثير الجدل وتقدم نصائح غريبة للنساء - تستمر مقدمة مقدمة برنامج "كلام الناس" الذي يعرض عبر قناة "MBC مصر" الإعلامية المصرية ياسمين عز بإثارة الجدل حول النصائح التي تقدمها للنساء خلال برنامجها.

وقدمت ياسمين عز خلال حلقة أمس الأحد نصائح غريبة للنساء، والتي أثارت جدلًا واسعًا على مواقع التواصل الاجتماعي في الساعات القليلة الماضية.

سنعرض لكم في وكالة سوا الإخبارية، نصائح ياسمين عز للنساء والتي أئارت جدلاً واسعاً على مواقع التواصل الإجتماعي.

أول نصائح ياسمين عز

وقالت ياسمين عز :" مفيش حاجة اسمها أمدح في حد أو أي كائن وجوزي قاعد مفيش حاجة اسمها أشكر في حد وفرعوني قاعد منور الدنيا قدامي نعمة ربنا حلاوة شمسنا.. لا حد ولا حاجة لا إنسان ولا كائن بشري ولا جماد.. أي حاجة مذكر ممنوع تمدحيها قدام جوزك".

النصيحة الثانية 

عندما تكون المرأة مع زوجها في مطعم رأي ياسمين عز :" عصير البرتقال واللي جوزك دافع حسابه من جيبه ده مذكر.. فيجي الجرسون يسألك عجبك يا مدام عصير البرتقال؟ انتي عينك فين عينك مش على الراجل اللي بياخد الطلبات عينك على جوزك خدتي السؤال سمعتيه بودنك بس ما بصيتيش باصة لجوزك هتردي بسرعة وتقولي حلو بس مش أحلى من جوزي".

 

النصيحة الثالثة

وكانت النصيحة الثالثة حول محفظة الزوج حيث وصفت الزوج بالكرم قائلة:" جوزك كريم الكريم أبو الكرم سليل الأكرمين حفيد الكرماء نسي سهوًا محفظته أو فلوسه في البيت وانتوا مثلًا معزومين بره في المطعم أو بتشتروا حاجة.. حسك عينك إياكي ثم إياكي ثم إياكي تطلعي فلوس من شنطتك وتديهاله قدام الناس.. أوعي.. الحركة دي مخجلة ومهينة للراجل".

النصيحة الرابعة

قالت ياسمين عز ، في حلقتها المثيرة للجدل: "لو انتوا قاعدين مع بعض في البيت بتتسامروا مع بعض وبتتكلموا ما ينفعش فجأة تقومي تقفي كده وهو في وسط كلامه تقومي تقفي كده وهو في وسط كلامه تقومي تروحي الحمام.. الحمام مش أهم منه يا مدام".

وأضافت: "ممكن تستنيه لما يخلص كلامه ويقوم هو الأول بعدين تقومي وراه أو لو انتي مستعجلة تقوليله بلطف من غير ما تقطعي كلامه تستني كده وقفة في الكلام معينة وتعملي مداخلة في الوقفة دي بسرعة وهو بيسحب النفس عشان يقول الجملة اللي بعد كده".

 

النصيحة الخامسة

وتعتبر هذه النصيحة من أغرب النصائح، وهي ألا تتنفس الزوجة وزوجها يتنفس فتقول ياسمين عز :" لو انتي قاعدة جنب جوزك ما تتنفسيش وهو بيتنفس.. تاني لو انتي قاعدة جنب جوزك فرعونك ما تتنفسيش وهو بيتنفس.. عيب عيب يا مدام، عيب تتنفسي وجوزك بيتنفس في نفس الوقت.. ننظم النفس وننظم الحركة مع بعض شهيق زفير.. هل معنى ده أو اللي أنا بقوله إن انتي دلوقتي تكتمي نفسك وتموتي مكتومة لأ خالص بعد الشر عليكي.. طب معناه إيه نفهم المعنى.

النصيحة السادسة

وعن اتيكيت التعامل مع الزوج في الخروجات وفي المطاعم وفي المنزل عند ياسمين عز ، وهي عدم السؤال عن مكان "الخروجة أو الطلعة"، حيث قالت ياسمين عز :" لو انتوا خارجين مع بعض إياكي ثم إياكي تسألي فرعونك عن الطريق.. ده عيب وما يصحش.. هو عنده يا حبيبتي بُصلة في جبينه عارفة يا حبيبتي البُصلة ولّا مش عارفاها؟، مضيفة:" البُصلة دي هتوجهه بحسه هو الصحيح ومشاعره الصادقة للمكان الصحيح فما تفضليش تقوليله ليه مشيت من الشارع ده وسيبت ده؟ ليه خدت الطريق ده وسيبت ده؟".

واختتمت ياسمين عز حديثها قائلة:" هو عنده خطة استراتيجية جغرافية ماشي بيها انتي ليكي توصلي بأمان وسلام للمكان غير كده ما تسأليش.. سيبي فرعونك يقود الموكب واهدئي".

 

النصيحة السابعة والأخيرة

تعد هذه النصيحة غريبة نوعاً ما، فقالت:" ما ينفعش ومش من الذوق أبدًا لو انتي وجوزك قاعدين مع ناس وجوزك قال حاجة أو بيتكلم في موضوع مثلًا تروحي بقى إيه شبه القنفدة كده تطلعي وتتكلمي وتحسسيه إنه مش فاهم وانتي اللي فاهمة كل حاجة وفيلسوفة عصرك وزمانك وأوانك."

وأضافت: “ياريت قبل الجواز انسفي الفيلسوفة السنتوفة اللي جواكي.. وتبعدي تمامًا عن التفلسف والتفزلك قدام جوزك.. وعلى جوزك قدام الناس.. عندك حلين يا هتسكتي وتحتفظي بالمعلومة العظيمة اللي لا هتجيب ولا هتودي لنفسك.. يا إما بقى لو هتموتي وتقوليها روحي قوليها في الحمام قبل ما تموتي قوليها لنفسك قدام المراية”.

وتابعت: “أهو منها تبقي فرغتي عن نفسك وقولتي المعلومة لنفسك قدام المراية.. ومنها هتبقي شوفتي الحباية اللي لسه طالعة لك في وشك في المراية وممكن هنا توفري التفلسف لعلاج الحباية اللي طلعت من عمايلك”.

وأثارت ياسمين عز الجدل خلال الفترة الأخيرة حول النصائح والآراء التي تقدمها خلال برنامجها "كلام الناس" والبعض يصفها بالمثيرة للجدل والبعض يسخر منها، والأمر وصل لأن يترك عريس زوجته يوم الفرح بسبب كلام ياسمين عز .

وبهذا نكون قد عرضنا لكم في وكالة سوا الإخبارية نصائح ياسمين عز الغريبة والمثيرة للجدل خلال برنامجها كلام الناس.

 

المصدر : وكالة سوا-وكالات