هاجمت أرملة الإعلامي المصري الراحل وائل الإبراشي سحر الإبراشي، أفراد عائلته، بعد طلبهم الحق في الميراث بعد وفاته بـ 24 ساعة فقط.

وقالت سحر الإبراشي: "أنا عملت إعلان الوراثة بسرعة البرق، اتعمل خلال أيام بسبب الزن اليومي، ورفضت حينها أتكلم في الموضوع ده عشان المرحوم".

واستفهمت: إزاي بتطلبوا مني مروحش زيارة لوائل في المدافن عشان حرام، وفي نفس الوقت عملتوا عزاء لوالدة الإبراشي في مسجد عمر مكرم، وكان في تصوير وتشهير".

وأضافت: "ميصحش إني أقف جنب جوزي طول سنة المرض قبل وفاته، وعائلته محدش فيهم كان بيجي، ولا نعرف عنهم حاجة، وظهروا فقط عشان يأخذوا الميراث والفلوس"، مضيفه: "أنا ساكتة ومش عاوزة أتكلم".

وفي السياق، شنت أيضا أرملة الإبراشي هجوما على شقيقته المرحوم وائل الإبراشي، حيث أوضحت أنها لم تقف بجوار أخيها في محنته إلا من أجل الميراث.

وتابعت: "الدكاترة كانوا بيسألوا وبيقولوا هو مفيش غيرك اللي بيجي المستشفي ليه؟" مضيفة: "وائل صرف عليها وطلعلها الفيزا قبل مرضه عشان تطمن على بنتها في السعودية، وقعدتي 7 أشهر محدش شافك فيها".

وأكملت: "اتهموني إني موقفتش جنب وائل 10 أيام أثناء مرضه، لأني كنت خارج مصر، ونسوا إن أزمة كورونا كانت السبب، لأن كل المطارات كانت قافلة، وأنا كنت خافية إنه يموت وأنا برة البلد ومنعرفش نمشي في جنازته".

وأضافت: "أنا وبنتي بنتشتم طول النهار منهم، ومحدش راعى أي شيء، وعملت اجتماع مع أهل بلدها عشان يتكلموا في الميراث، ومحدش بيسأل عليهم ولا حد بيسأل عن بنت أخوهم، خلاص خدوا فلوسهم وملهمش حاجة عندي، والعلاقة اللي بينا وبينهم اقتطعت، والمفروض يسألوا على البنت مش خدتوا من فلوس أبوها يبقى لازم تراعوها وتسالوا عنها".

الجدير بالذكر أن الإعلامى وائل الإبراشى فارق دنيانا في العام الماضي 9 يناير 2022، بعد صراع طويل مع فيروس كورونا المستجد.

ويعد وائل الإبراشي من أهم الإعلاميين في الوطن العربي، حيث عمل صحفيًا بجريدة روز اليوسف، وقام بتقديم برنامج «الحقيقة»، و«العاشرة مساء»، و«كل يوم»، وقام بتقديم أخر برنامج له، برنامج «التاسعة»، على التلفزيون الرسمي، كما تناول أصعب القضايا وكشف الأسرار بطريقة عقلانية مهما كانت صعوبتها.

المصدر : وكالة سوا - روسيا