أدلت الفنانة المصرية دينا الشربيني مساء اليوم الأحد بتصريحات خلال استضافتها في برنامج يلا نحكي الذي يبث على قناة LBC والذي تقدمه الإعلامية جومانا أبو عيد ، حيث تحدثت عن مختلف جوانب حياتها وأكثر تطبيق على مواقع التواصل الاجتماعي تستخدمه.

وقالت دينا الشربيني :” مش فكرة مش بحب السوشيال ميديا على قد ما أنا مبحبش أدخل في حياة حد أي كان هو مين، عمرك في حياتك متقول أنا عمري مهعمل كدا، ودايما بقول أن ربنا هو العالم بالبني آدم هو ممكن يكون مبينلك حاجة وهو جواه حاجه تانية خالص، وشايفة أن حياته جميلة وهي حياته مش كدا خالص، وبعدين إحنا مالنا ومال الناس مكل واحد يركز في نفسه ويدي اللي حواليه حب دي الحاجة إلي مش بحبها في السوشيال ميديا وهي ممكن تبقي كويسة وممكن تبقي مؤذية في نفسية حد “.

تصريحات دينا الشربيني مع برنامج يلا نحكي

وتابعت:” مندمتش على أي بوست عالسوشيال ميديا، ولكن ممكن يكون في كارثة بتحصل وأنا حاطة فيديو عالتيكتوك وألاقي مسؤولين السوشيال ميديا بيعرفوني إن في كارثة والوقت مش مناسب”.

وأضافت:” بحب التيكتوك أوي بس معنديش وقت أعمل فيديوهات، وكل حاجة ليها استخدام كويس وليها استخدام مش كويس ولازم يكون في رقابة من الأهل على الأطفال الصغيرين بيعملوا اي ولا بيتفرجو على أي بس أنا بحب التيكتوك”.

وكشفت الفنانة المصرية دينا الشربيني مواصفات فارس أحلامها، مؤكدة أنها تريد الارتباط برجل يتمتع بخفة ظل ويملك حسا فكاهيا.

وقالت دينا الشربيني: "أنا ممكن أحب شخص من أول نظرة ومقدرش أحب واحد دمه تقيل لازم يبقا راجل لذيذ، بحب الرجالة اللي دمهم خفيف وتُقال".

وأضافت أنها من الشخصيات التي لا تنسى بسهولة، بسبب العشرة والتعود على وجود شخص معين في حياتها، ولكن تفضل الرضا بقضاء الله، والتأقلم.

وأوضحت الشربيني أنها تحاول دائما تحقيق الموازنة بين حياتها العملية وحياتها العاطفية، في إشارة إلى أنها تعيش قصة حب جديدة هذه الفترة.

وتابعت أنها تحب مشاعر الحب، والحب والعمل هما "أكسجين حياتها»"، وتحاول دائمًا الموازنة بين كلاهما.

المصدر : وكالة سوا