في اول ظهور له بعد خروجه من السجن حل الفنان طارق النهري، ضيفا على برنامج "صاحبة السعادة"، الإعلامية اسعاد يونس، كاشفا عن تجربته خلال هذه الفترة.

وعن أول لحظاته بعد الخروج قال طارق النهري: "توهت.. أول ما خرجت لفيت الشوارع كلها وكم الإنجازات اللي حاصلة في مصر شيء مبهر.. اللي بيحصل ده لو مكنش حصل في الوقت ده كنا هنكون دولة متخلفة".

أما عن تجربته في السجن: "أنا شوفت عالم وقابلت ناس مكنتش متوقعهم 90% منهم سوابق، وهناك في السجن كان بيتعاملوا معانا ياحترام وبيتقالنا يا أستاذ فلان، وكنت بحاول أوائم ظروفي جوه لأني كنت ما بين ساسي تقيل وجنائي".

قرار العفو كان حلما بعيدا

وأوضح أن بعد خروجه من السجن حياته انقلبت 180 درجة، "لأني اتعاملت مع ناس مختلفة، واتقبض عليا لأن اسمي اتحط في مجموعة معين فيه منهم أخطأ وشيلنا الليلة معاهم ولما صدر الحكم كنت في حالة مش طبيعية، وأما دخلت السجن اتعلمت فلسفة تانية خالص، ولما جالي قرار العفو كان حلم بعيد ومكنتش متوقعه".

كشف الفنان طارق النهري أنه دخل الفن صدفة، وقال: "بدأت الحكاية تحلو معايا والعجلة تدور، وكان ليا زميل كنا مع بعض صديق ابتدائي وإعدادي وثانوي، وكنت بروح أقف كواليس في المسرح كانو بيقولولي متكلمش، كان زمان في حب يخلينا نشتغل بجد، والحاجات دي بقت دلوقتي محرمات، مع ان محدش بياخد رزق حد، الدنيا جميلة.

آخر أعمال الفنان طارق النهري

يذكر، أن آخر أعمال الفنان طارق النهري، مشاركته في مسلسل طاقة نور مع الفنان هاني سلامة، والذي عرض في دراما رمضان 2017، وشارك في بطولته أيضا كلا من النجوم حنان مطاوع، إيهاب فهمي، أشرف عبد الغفور، جيهان خليل، وهيدي كرم، وخاض الفنان طارق النهري في مجال التاليف من خلال الشجعان، والأب الثائر.

وشارك النهري في أعمال مسرحية، منها حظ نواعم، والغبي وأنا.

المصدر : سوا- تحيا مصر