تحدثت الفنانة سحر رامي عن تفاصيل اللحظات الأخيرة في حياة زوجها الفنان الراحل حسين الإمام، خلال لقائها مع الإعلامية ياسمين عز عبر قناة MBC مصر، مؤكدة أن وفاته كانت سريعة للغاية بدون مقدمات.

وقالت في حوارها: "حسين الإمام مات في حضني، كنا في البيت يوم عيد ميلادي حوالي الساعة 6.30 مساءً، والجو كان حر، هو طلع الحمام واتأخر، فطلعت أشوفه أتأخر ليه، ليكون بياخد دش وسابني أنا والضيوف، أو يمكن يكون اتحبس في الحمام لأن عندنا مشكلة في أوكرة الحمام".

وواصلت السرد: "ناديت عليه قالي افتحي لي علشان مش قادر أخد نفسي وقع عليا على السرير، في لحظة مكنتش عارفة إيه اللي بيحصل، في خلال 5 دقايق راح أقل من 5 دقايق، أنا كنت منهارة، وأصحابي طلعوا لي من تحت، لكن مقدرناش نعمل حاجة".

حسين الإمام لم يكن يعاني من الأمراض

وأكدت سحر رامي أن الفنان حسين الإمام لم يكن يعاني من الأمراض، لكن تشخيص الطبيب كشف عن جلطة مفاجأة في الشريان التاجي.

وأوضحت: "الجلطة مش بتتلحق غير بحقنة الأدرينالين بتتاخد في القلب، وفي خلال 10 دقائق، مكنتش ممكن تتلحق، وإحنا كنا في بيتنا على الطريق الصحراوي، والحالات دي عشان تتلحق لازميكون هو أصلاً في المستشفى".

وأشارت إلى أن تلك الجلطة كانت ستترك آثارا كبيرة، "احنا كنا في الطريق الصحراوي وملحقناش، وكان لا يمكن تتلحق ولو اتلحقت كانت هتسيب أثر، وكان هيبقى مشلولاً أو أعمى ودا أوحش من الفراق ودي أول مرة تحصله، وعمره ما اشتكى من حاجة وكان شيء غير متوقع".

علاقة حب كبيرة جمعتهما

وكانت تربط الزوجين علاقة حب كبيرة، لافتة إلى أنها لا تستطيع القول بأنه توفي، "مش قادرة أقول إن حسين الإمام توفي وساعات بكلمه وأقوله سايبنا ليه؟ وإحساسي إنه مشي شوية وواثقة إننا هنتقابل وأنا لحد ما أموت هفضل حرم حسين الإمام، ولا يمكن أتجوز تاني لأني ما زلت متجوزة".

ونوهت إلى أنها لا تحب السهر وتفضل الاحتفالات نهار، موضحة أن زوجها حسين الإمام احتفل بآخر عيد ميلاد لها قبل وفاته وجاء من لبنان خصيصاً ليشاركها هذه المناسبة.

وقالت: لغت الاحتفال به بعد وفاته، "أنا لغيت الاحتفال بعيد ميلادي خالص، كإني متولدتش ومجتش".

المصدر : ليالينا