تعرف على سبب ارتداء الفنانة منال عبد اللطيف الحجاب ، حلت الفنانة منال عبد اللطيف ضيفة على برنامج كلام الناس مع الإعلامية ياسمين عز، فاتحة كتاب حياتها، وما تحتويه من مواقف إنسانية، وتفاصيل حياتية.

منال عبد اللطيف ترعى طليقة زوجها وابنته

تحدثت الفنانة منال عبد اللطيف، عن موقف قلما يحدث ولا سيما في العلاقات الزوجية، فكانت ملاك الرحمة لطليقة زوجها.

وسردت الموقف: "طليقة زوجي كانت قاعدة عندي لما تعبت لإن قبل ما يبقى فيه مسميات لازم يكون عندنا إنسانيات، وكنت بقدملها كل الرعاية حتى وفاتها".

وكانت منال عبد اللطيف بمثابة الأم لابنة زوجها: "مريم بنت زوجي من زوجته المتوفية لما مامتها توفيت مخلتهاش تحس انها غريبة وسطينا وعاملتها زي بناتي بالظبط، وانا اللي ربيتها بعدة وفاة والدتها".

وتابعت: "مريم بنت جوزي قلت لها انتى بنوتي وهيبقى زيك زي فرح بنتى اعرف رايحة فين وجاية منين واعرف كل حاجة عنك".

وأكملت حديثها عن الواجبات الزوجية، قائلة: "أنا مع إن الست تقوم بكل واجباتها بكل الحب بما فيها الطبخ، وبالحب بتبقى كل حاجة بتمشي كويسة".

منال عبد اللطيف والحجاب

وأوضحت الفنانة منال عبد اللطيف خلال لقائها، حقيقة ما أشيع عن ارتدائها الحجاب بسبب تساقط شعر رأسها.

وقالت ضاحكة: "بالفعل أشيع عني ذلك وعشت قصة مأساوية وسيدة فضلت تكلمني على ماسنجر وتقول لي اتصلي بيَّ فيديو كول يا قرعة، وعرفت إنك كنت بتعملي صبغة وشعرك وقع فبقيتي قرعة فاتحجبتي، فضحكت وقلت لها لأ والله شعري زي ما هو".

وواصلت الحديث: نفس السيدة اللي كلمتني وقالت لي يا قرعة، كل شوية تبعت لي تستفزني وتقولي افتحي الكاميرا علشان أشوف شعرك، وده كان بيضايقني جدًّا، وبعدين بناتي قالوا لي هتشوفي من ده كتير طالما عملتِ حاجة مع ربنا خليكِ محجبة.

رؤية الحجاب في منام منال عبد اللطيف

وعن السبب الحقيقي لارتدائها الحجاب، كشفت: قرار الحجاب ما كانش مفاجئ وقعدت سنتين محتارة ومترددة في إن اخد القرار لحد لما جاتلي رؤية في المنام فيما معناها تزودوا فإن خير الزاد التقوى، وقلت توكلت على الله وأخبرت زوجي بقرار الحجاب وفي الأول ما كانش مصدقني لأني شخصية مزاجية شوية؛ ولكني أكدت له إني اتحجبت وأبلغته إنه يشتري لي ملابس جديدة مناسبة للحجاب وهذا ما حدث".

مش حمثل بالباروكة

ولفتت: "لو عايزة أقلع الحجاب هقلعه بس مش هتحايل على قراري مع ربنا وأمثل وأنا لابسة باروكة".

ولفتت: "اتعرض عليَّ أمثل وأنا لابسة باروكة أو يبقى فيه إكستنشن ولكني رفضت؛ لإن ده تحايل على ارتداء الحجاب، ولو عايزة أقلعه هقلعه وأنا محدش أجبرني عليه ولو عايزة أكمل تمثيل كنت هكمل تمثيل".

المصدر : فيتو