تبادل النجمان المصريان هنا الزاهد وتامر حسني رسائل مفعمة بالمحبة، بدأت بإهداء النجمة هنا الزاهد جائزتها كأفضل ممثلة سينما عن فيلم "بحبك" لمخرج وبطل العمل تامر حسني، ليرد الأخير برسالة طويلة.

وجاء في رسالة تامر حسني: قلب هنا الزاهد بات من النوع النادر، لأنها تعرف معنى الوفاء وتقدر ما فعل من أجلها منذ اكتشفها لأول مرة في مسلسل "فرق توقيت"، وحتى تقديمها بطلة في الفيلم.

فما كان من هنا الزاهد إلا رد الجميل وشكر تامر حسني مرتين، مرة عند استلام الجائزة، ومرة ثانية عند الاحتفاء بها عبر حسابها على موقع إنستغرام، حيث نشرت صورة لها وهي تحمل جائزة أفضل ممثلة سينما من الدورة الـ13 لمهرجان الفضائيات العربية عن دورها في فيلم "بحبك".

وكتبت: شكراً لكل النقاد اللي كتبوا عني كلاماً يفرح القلب، شكراً لكل الصحفيين اللي كتبوا عن دوري في الفيلم، شكراً لكل الجمهور اللي قالولي رأيهم، وشفْت فيديوهاتهم وهما بيمثلوا مشاهد ليا في الفيلم.

وأردفت: شكراً لكل زملائي في الفيلم وشكراً على الكواليس اللي كانت لذيذة بينا، وأخيراً شكراً تامر الممثل والمخرج في الفيلم، شكراً على اهتمامك بينا كلنا في الفيلم يمكن أكتر من نفسك، ودلوقتي باخد جايزة أحسن ممثلة عن دوري في فيلم بحبك وأنا بهديك الجائزة دي.

رسالة تامر حسني المطولة

تامر حسني قام بإعادة مشاركة كلمة هنا الزاهد أثناء استلام الجائزة، ورد عليها برسالة طويلة عبر حسابه بموقع إنستغرام قال فيها: بكتب بوست عن هنا والله والله مش عشان بتهديلي الجايزة لا.. بكتب كلمة من قلبي عشان هي بنت قلبها جميل ومقدرة المجهود اللي عملته عشانها وعشان كل الممثلين.. نوع القلب ده مبقاش موجود أوي.

وتابع تامر حسني: ياما ناس بتساعد ناس بس نادرين أوي اللي قدروا المجهود دا، وعندهم قلب جميل يخليهم مينسوش تعب الناس اللي كانوا جانبهم وأخلصولهم من كل قلوبهم.. كنت فاقد الأمل في النوع دا من القلوب.. يمكن عشان قدمت ناس كثير، وللأسف معظمهم قلوبهم اتغيرت بعد ما نجحوا.. بس للأمانة هنا الزاهد هي هي نفس القلب الأبيض الجميل من أول يوم اكتشفتها فيها في مسلسل فرق توقيت بدور بسيط في بدايتها، لحد فيلم بحبك اللي هي بطلته دلوقتي.

وأضاف: الفيلم اللي حقق أعلى إيراد دولي في تاريخ مصر والعرب وتجاوز الـ600 مليون في ظاهرة أولى من نوعها ومش بس إيرادات، لا ده حقق أعلى عدد زوار سينما في تاريخ السينما، وبتتكرم عنه دلوقتي بجايزة مبياخدهاش إلا المتميز المُبدع.

وختم كلامه: افرحي بنجاحك وبشغلك الرائع في الفيلم. مبروك يا هنا. كل الناس بتحبك، وكل الناس فرحانة بيكي وأنا بجد فخور بيكي وبقلبك الجميل المحترم الأصيل. شكراً على الجايزة. مستنيها في شركتي مليش دعوة مليون مبروووووووك يا أجمل هنا.

وتظهر أولى تجارب تامر حسني الإخراجية في فيلم "بحبك"، حيث يمثل الفيلم أولى تجارب تامر حسني الإخراجية في السينما، وهو من تأليفه وبطولته، ويشارك فيه كل من: هنا الزاهد وحمدي الميرغني ومدحت تيخة وهدى المفتي وأحمد عزمي وتميم عبده وسمر محمد متولي وعمرو صحصاح وعاليا راشد وشهد الشاطر.

المصدر : سيدتي