تصدر اسم الفنانة سارة نخلة ، محرك البحث "جوجل" بعد تصريحاتها عن الفنانتين شيرين عبد الوهاب ونانسي عجرم ببرنامج "نص الكلام" المذاع عبر قناة "النهار"، والتي دافعت فيها عن نفسها موضحة مغزي تصريحاتها.

هجوم سارة نخلة على شيرين عبد الوهاب

وعن الاتهامات التي وجهت لسارة نخلة بأنها هاجمت شيرين منشور لها وحذفته لاحقا، قالت: "خالص مستخدمتش كلمة مقرفة دي خالص.. علاقتي بفيسبوك الحاجات اللي بتضحك بعيد نشرها، وكان فيه بوست فعلا مكتوب مكانش حفلة كانت المشاكل طازة".

وتابعت: "كانوا حاطين صور لأكتر من ست بتشقى وكاتبين سبتوا كل الستات دي ومركزين في حياة شيرين، وأنا دايما بقول لأي بنت متطلعيش بحبيبك السما عشان هترجعي على مفيش، وشيرين وقتها كان عندها أفورة في الحب وقت أغنية (حبه جنة) كان فيه حب ونحنحة، نشرت البوست ده وحطيت أغنية (حبه جنة) وكان ستوري مش فيسبوك".

وأوضحت سارة نخلة: "أنا ضد أي حاجة تحصل معاها وأنا بحبها ونفسي تبقى كويسة".

تعليق سارة نخلة على حادثة الهجوم على فيلا نانسي عجرم

وحول حادث الهجوم على فيلا نانسي عجرم أوائل العام 2020 وأنها هاجمت الفنانة اللبنانية وزوجها بعد جريمة القتل التي وقعت في فيلتها لشاب سوري، ردت سارة قائلة: "كنت أول واحدة اتكلمت في الموضوع عشان استخدام مصطلح إن الولد سوري، لو أنا في بيتي ودخل عليا حرامي، هو حرامي مش كل شوية في كل خبر وكل كلمة المجرم السوري، وكتبت تحليل كبير عريض لإني مبعرفش اسكت".

وأضافت: "كل اللي قلته إن الراجل ده متقتلش في الفيلا، منطقيا واحد هيتضرب 11 رصاصة المفروض دمه يكون سايح مكانش فيه ولا نقطة دم، قلت اتقتل برا الفيلا واتحط جواها، وده مش معناه اني متعاطفة معاه، لو كان قاتل أو مجرم أنا ضد ده تماما، لكن 11 رصاصة بتعبر عن إيه (انتقام على طول)".

المصدر : مصراوي