سارة سلامة - نفى الفنان المصري أحمد سلامة  وجود أي خلاف وقوع بينه وبين ابنته سارة سلامة بسبب إطلالتها الجريئة في جلسات التصوير، كما هو متتداول.

وقال أحمد سلامة خلال حديثة في برنامج نص الكلام، أمس السبت 15 أكتوبر، "قولتلها متعملش كده تاني لكن مش لدرجة خلاف، قولت أن الأفكار اللي هي شايفاها وكل الجيل شايفها صح تنفع في الخارج لكن أحنا في مجتمع شرقي مينفعش نتخطاه، هي وجهة نظرها أنها مش بتعمل حاجة غلط" .

وتابع : هي وعدتني أنها مش هتعمل كده، في مسلسل "ابن حلال" لما طلعت لابسه شورت وأنا اتهاجمت بسببها، في ستايلست طلبت منها تلبس دا وهي بتسمع الكلام مكنتش فاهمة كان عندها 18 سنة ومعندهاش خبرة.

وقال: مسألة السيطرة على الجيل الحالي جيل السوشيال ميديا والعالم المفتوح صعبة وقاتلة، السوشيال ميديا بتربي معانا مش إحنا اللي بنربي بنفسنا، هذا الجهاز النقمة على العالم خلى أفكار الشباب منفتحة وشايفين أن كل حاجة عادي، لكن أنا بحاول أسيطر وعمري ما مديت أيدي على بنتي وبديها الحرية.

ويشار إلى أن آخر أعمال سارة سلامة كان مسلسل "إسعاف يونس" الذي تم عرضه عبر منصة WatchIt، وهو من بطولة كلِا من محمد أنور، منة عرفة، محمد علي رزق، إيمان السيد، أحمد محارب، وهو تأليف فاروق هاشم، ومصطفى عمر، وكتابة أحمد محارب، خليفة سمير، وأحمد فوزي، وإخراج معتز التوني، وإنتاج شركة سينرجي.

 

المصدر : في الفن