بالفيديو: آيتن عامر تطرح أغنيتها الجديدة " طلعت شاطرة "
أعلنت الفنانة المصرية آيتن عامر، لطرح أحدث أغانيها المصورة على طريقة الفيديو كليب، والتي تحمل عنوان “طلعت شاطرة "عبر تطبيق "يوتيوب" المشهور، وعلقت الفنانة على الفيديو قائلة : "يارب الاغنية تعجبكم "
وقامت آيتن عامر بمشاركة مقطع ترويجي لأغنيتها الجديدة عبر حاسابها الرسمي على “انستجرام”، وعلقت عليه " الأغنية دي لكل بنت قوية مسمحتش لأي حاجة إنها تكسرها وطلعت شاطرة".
و أوضحت الفنانة آيتن عامر أن الأغنية الجديدة مهداة لكل بنت قوية لم تسمح لأي موقف بأن يحطمها، مما اعتقد البعض أن هذه الإغنية إشارة لتأكيد انفصالها عن زوجها مدير التصوير عز العرب
كلمات أغنية طلعت شاطرة للفنانة آيتن عامر
عن واحدة مفيش حاجة تكسرها... و قويــة وصعـب غيرهــا
وغباءك خلاك تخســرهــــا ... عقلك صــورلك تنســاهــا
و أهو عـدي علــي الموضوع فتــــرة .. وبتسأل من فترة لفترة
و غريبـة ازاي طلعت شاطرة .. مابقتـــش بتفــــرق وياهـــــا
مانسيتهاش ليه بس ياخايب ... دي فراقها بيوجـــــع مش سايب
مانسيتهاش ليه بس ياخايب ... دي فراقها بيوجـــــع مش سايب
بتوقــع نفسك في مصايب ... و تجينـــي عشــــان تخرج منهــا
دي قديمة وروح إلعب غيرها... دي قديمة وروح إلعب غيرها
عشت تخاف منها عشان ناجحة... واستكترت عليها الفرحة
فاقت دلوقتى بقت ناصحة ... مبقتش خلاص تمام عنيهـــــا
دلوقتى بقت عايشـــه حياتها ... بتعـــوض كل اللـــى فايتــها
لو صونتها وإديتهـــــا قيمتهـــا ... كانت هتشيـلك فى عينهــا
مانسيتهاش ليه بس ياخايب ... دي فراقها بيوجـع مش سايب
مانسيتهاش ليه بس ياخايب ... دي فراقها بيوجـع مش سايب
بتوقع نفســك في مصايب ... و تجينــي عشـــان تخرج منها
دي قديمة وروح إلعب غيرها دي قديمة وروح إلعب غيرها
ويذكر أن الفنانة آيتن عامر طرحت مؤخرا أغنية بعنوان "توتا فروتا"، والتى حققت نجاحا كبيرا منذ طرحها عبر قناتها الرسمية بموقع الفيديوهات الشهير "يوتيوب"، وتجاوزت المليون ونصف مشاهدة.
