كشفت الفنانة المصرية زينة لقاء لها مع الإعلامي عمرو أديب عبر قناة MBC مصر، عن الخبايا والتفاصيل المهنية والصحية لها.

وأعربت زينة عن سعادتها بنجاح مسلسلها الأخير "الليلة واللي فيها" لأنه شكل طوق نجاة بالنسبة لها من الأزمات التي مرت بها سابقا؛ مشيرة إلى أن استمرارها في عالم التمثيل كان متوقفاً على نجاحه.

وأردفت: "أنا سعيدة جدا بالمسلسل، وكنت حاسة إن في سكاكين محطوطة على رقبتي بالعمل ده، يا إما أندبح بيها يا إما ربنا ينقذني من الشر اللي حواليا وينصرني، والحمد لله ربنا ما فرحش حد فيا".

وقالت زينة: إن أحد الأشخاص تدخل لمنعها من التمثيل على مدار 5 سنوات ماضية بطريقة غير مباشرة.

وأكملت: "ممكن يمنعوا حد يشتغل بإنهم يتكاثروا عليه، وبطريقة غير مباشرة من غير كلام، في ناس مؤذية... أنا قعدت 5 سنين حد قافل علي الشغل في مكان معين، وماكنتش فاهمة في إيه، مع إني ست مصرية ومن حقي أشتغل وأنا أولى من أي حد، وبعض الناس قالوا إني عايزة أربي ولادي ومش عايزة أشتغل، طيب أربيهم إزاي؟ أنا مش فاتحة فرن في البيت".

زينة توصف معاناتها مع الشائعات

تطرقت زينة إلى معاناتها من الشائعات التي لاحقتها حول التأخر عن التصوير، وهو ما كان يدفعها للانسحاب من المسلسلات لتجنب المشاكل.

وتابعت: "من أكثر الحاجات اللي بتتقال عني إني بتأخر، وعادي ممكن تتأخر، وده مش بيضيع مني المسلسل لكن أنا من الكلام الكتير بانسحب لأني مش عايزة دوشة، وعايزة أعيش في سلام وأعمل شغلي كويس وأنجح".

أزمات مسلسل الليلة واللي فيها

تحدثت زينة عن العقبات أثناء تصوير مسلسل الليلة واللي فيها، ووصل الأمر إلى تعرضها لأزمة صحية جراء ارتفاع ضربات القلب، والأمر تطلب نقلها إلى المستشفى بعد زيادة ضربات قلبها لتعمقها في الشخصية التي تؤديها.

وأضافت: رغم صعوبة الشخصية وحدتها على الشاشة إلا أنها ضحية لظروف عائلية، مشيرة إلى أن شخصية رشا حازت تعاطف كبيراً من المشاهدين.

وبينت: "كنت بكره مشاهد المسدس في المسلسل، لأني مش بحب العنف، والمخرج هاني خليفة كان بيتعب معايا خلال تصوير هذه المشاهد، وعلاء مرسى تعب من كتر الضرب في مشهد قتله بالشاكوش".

وأكملت: "لازم ينجح بعد كل التعب ده، والمنتج أمير شوقي قالي إنتي ظلمتي نفسك وعملت أعمال كتير منجحتش، وكنت فاكرة إن اعتذاري عن الأعمال في السنين اللي فاتت يدل علي أني جامدة وكنت بمضي على أعمال وأمشي ومكملش وكنت مهملة في شغلي".

المصدر : ليالينا