بالفيديو: ريهام سعيد تبكي على الهواء مباشرة.. ما هو السبب؟
تسببت طالبة بكلية الصيدلة ببكاء الإعلامية المصرية ريهام سعيد على الهواء مباشرة بسبب معاناتها مع شقيقها إثر وفاة والدها.
وعرضت ريهام سعيد جزء من مكالمة الطالبة صفاء ببرنامج "صبايا الشمس" المذاع على فضائية "الشمس"، والتي تحدثت فيها عن رفض أخيها لاستكمال دراستها بعد وفاة والدها.
وتحدثت الطالبة: "أنا داخلة رابعة صيدلة ووالدي متوفي من سنتين ونص ومن يوم ما مات مشفتش يوم حنية، أخويا حط إيده على كل حاجة ومذلولة ومش عارفة أدفع قسط الجامعة، وهو بينبسط لما يشوفنا أنا وماما مذلولين".
وعلقت الإعلامية ريهام سعيد، على حديث الطالبة: "أنا وقتها من كتر ما كانت متأثرة بحديث وبكاء الطالبة صفاء رديت عليها وقولتلها اعتبري الموضوع منتهي".
وأضافت: "مكنتش اعرف الموضوع منتهي إزاي وهل أقدر أساعد ولا لا، ومش عارفة هعمل إيه، ولكن ساعات اليقين والثقة في الله أنك تقدر تساعد حد، ربنا بيقولك اطمن واللي انت عايزه هيحصل، وفعلا صفاء هتكمل تعليمها".
