حقيقة إنفصال حلا شيحة عن زوجها الداعية معتز مسعود
حقيقة إنفصال حلا شيحة عن زوجها الداعية معتز مسعود ، يث لوحظ خلال الساعات القليلة الماضية ازدياد عمليات البحث عبر شبكة الانترنت من جديد بعد شائعات حول انفصالها عن زوجها معتز مسعود.
وتصدر اسم الفنانة المصرية حلا شيحة خلال الساعات الماضية عبر مواقع التواصل الاجتماعي، حيث إنتشر أنباء عن طلاقها من الداعية معتز مسعود.
وكثر الحديث عن الفنانة حلا شيحة بعد أن شاركت جمهورها منشور عبر صفحتها الرسمية على "انستغرام"، وجهت فيه رسالة، حيث كتبت الفنانة حلا شيحة " لحظات في حياتنا بتعدي مع ناس بنقابلهم مرة في العمر و لحظات مع اولادنا بنحس بيها بفرحة و حب و امل و لحظات مع نفسنا بنتأمل فيها حياتنا".
وأضافت حلا شيحة " كل ايامنا لحظات …علشان كدة مفيش حاجة تستاهل الزعل و التفكير الزيادة و اجمل حاجة ان الواحد لما يتعب او يحس انه تايه او متلخبط لازم يبقي متأكد ان مشاعره بتقوله حاجات محتاج يعرفها او يفهمها او يفهم نفسه اكتر و نتعلم و مش عيب نقول غلطنا و مش عيب نصلح اخطاءنا بس اهم حاجة منكملش و نعاند نفسنا و نعاقب نفسنا و نحكم علي نفسنا بالفشل، الفشل اننا نسيب نفسنا جوا نفس المشاكل و نستسلم"
لكن عادت اليوم حلا شيحة لتنفي هذه الأخبار المنتشرة، و كشفت عن تفاصيل حياتها عبر بوست قالت فيه:"لكل المتابعين و المحبين علي صفحتي و في الوطن العربي حابة اقولكم مفيش اي خبر اتكتب عن معتز مسعود و عني يخص الطلاق صحيح و كلامي في البوست اللي فات كان كلام عام و لم اقصد بيه حد معين ابداً".
و تابعت حلا شيحة :"و معتز مسعود بعيد عن الكلام ده تماماً بالعكس هو سبب كبير، لحاجات جميلة في حياتي و حياة اولادي و مشفتش كتير زي اخلاقه و احترامه و عيب الكلام اللي بيتقال عن صفحات السوشيل ميديا كله مش صح ابدا ً. والله في مشاكل اكبر بكتير و حاجات اهم بكتير ممكن نتكلم فيها، و انا علي صفحتي بحب اشارك جمهوري ساعات بمعاني بحسها و بحسهم زيي و بحب اتواصل معاهم و ابقي موجودة معاهم مش اكتر من كدة".
أما عن الأخبار المنتشرة حول خلع حلا شيحة للحجاب فوضّحت حلا شيحة هذا الموضوع و قالت:"بالنسبة لحجابي انا قلت بحاول زيي زي بنات كتييير و اكيد مش احسن حاجة بس انا كدة دلوقتي و الحمد لله. و انا مش شيخة انا انسانة عادية جداً ليا حسناتي و ليا سيئاتي و البشر كلهم كدة فبلاش حد يزايد علي حد و بدل ما نتريق او نقول كلام مش مهم نكون متصالحين مع نفسنا و نبطل نحكم علي بعض احنا بشر مش ملايكة".
