حلا شيحة تنفي مرة جديدة انفصالها عن الداعية معتز مسعود
تصدر وسم الفنانة المصرية حلا شيحة اليوم الأحد 24 يوليو/تموز 2022 ترند عبر محرك البحث "غوغل مصر " من جديد، بعد شائعات حول انفصالها عن زوجها معتز مسعود.
وجاء ذلك بعد ما نشرت حلا شيحة عبر صفحتها "انستقرام" منذ عدّة أيام ، والتي رصدتها وكالة سوا:
كتبت حلا شيحة عبر حسابها على "انستقرام" : " لحظات في حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل ولحظات مع نفسنا بنتأمل فيها حياتنا.. كل أيامنا لحظات".
لكن عادت اليوم حلا شيحة لتنفي هذه الأخبار المنتشرة، و كشفت عن تفاصيل حياتها عبر بوست قالت فيه:"لكل المتابعين و المحبين علي صفحتي و في الوطن العربي حابة اقولكم مفيش اي خبر اتكتب عن معز و عني يخص الطلاق صحيح و كلامي في البوست اللي فات كان كلام عام و لم اقصد بيه حد معين ابداً".
و تابعت:"و معز بعيد عن الكلام ده تماماً بالعكس هو سبب كبير، لحاجات جميلة في حياتي و حياة اولادي و مشفتش كتير زي اخلاقه و احترامه و عيب الكلام اللي بيتقال عن صفحات السوشيل ميديا كله مش صح ابدا ً. والله في مشاكل اكبر بكتير و حاجات اهم بكتير ممكن نتكلم فيها، و انا علي صفحتي بحب اشارك جمهوري ساعات بمعاني بحسها و بحسهم زيي و بحب اتواصل معاهم و ابقي موجودة معاهم مش اكتر من كدة".
أما عن الأخبار المنتشرة حول خلعها للحجاب فوضّحت حلا شيحة هذا الموضوع و قالت:"بالنسبة لحجابي انا قلت بحاول زيي زي بنات كتييير و اكيد مش احسن حاجة بس انا كدة دلوقتي و الحمد لله. و انا مش شيخة انا انسانة عادية جداً ليا حسناتي و ليا سيئاتي و البشر كلهم كدة فبلاش حد يزايد علي حد و بدل ما نتريق او نقول كلام مش مهم نكون متصالحين مع نفسنا و نبطل نحكم علي بعض احنا بشر مش ملايكة".
