تداول رواد مواقع التواصل الإجتماعي في مصر أمس الأحد، مقطع فيديو للفنان المصري سعد الصغير يظهر فيه برفقة اثنين من المشردين التقى بهم في أحد شوارع الاسكندرية وقرر أن يتبناهم.

وعلق سعد الصغير بعد إنقاذه طفلين من التشرد،عبر صفحته على "فيسبوك": "رسائل حضراتكم بشوفها والكومنتات بشوفها، أعظم حاجة في الدنيا تساعد حد مش قادر كان الواحد ممكن في يوم من الأيام يكون مكان الناس دي وبجد الكلام من كل قلبي وربنا يعلم ما في القلب".

وأضاف: "حابب بس أشكر كل الناس أخواتي وأصحابي اللي دايما بيشجعوني وحضراتكم على فعل الخير دايما، وده اللي الناس هتفتكر بي مش أكتر مفيش حاجة هتدوم كله هيمشي فا بس قلت أصبح عليكم، وياريت أي حد يقدر يساعد أي حد غلبان محتاج بجد أو أي حالة يساعد والله، والله عن نفسي كل اللي الواحد فيه ده من كرم ربنا فقط، أتمنى كلنا نحب بعض ونساعد بعض واللي معاه يساعد اللي مش معاه صباح الفل على أحسن وأطيب شعب في العالم".

وكان سعد الصغير، قد أطلق بثا مباشرا بصحبة الطفلين "يحيى ومحمد"، عبر صفحته الرسمية على "فيسبوك"، وتبين أنهما ضحية التفكك الأسري، فوالدتهما ووالدهما منفصلان وكلا منهما تزوج من آخر، الأم تزوجت من شخص كفيف قال عنه الأطفال إنه كان قاسيا معهما، وتزوج الأب من أخرى، وشكا الطفلان من سوء معاملة زوجة الأب لهما وبكى أحدهما، مؤكدًا أن بسببها تأثرت حالة إحدى عينيه.

المصدر : سبوتنيك عربي