زوج منة عرفة يمنعها من هذه الأشياء
تحدث محمود المهدي زوج الفنانة المصرية منة عرفة، عن تحفظاته والشروط التي وضعها أمام منة عرفة بعد الزواج بشأن عملها في الوسط الفني والأدوار التي تقرر خوضها بعد ذلك.
وقال محمود المهدى الذي حلّ ضيفاً خلال برنامج "ملوك الترند" برفقة زوجته الفنانة منة عرفة، وذلك في أول ظهور للثنائي بعد عقد قرانهما الأسبوع الماضي.
وقال محمود:" أنا زى أي راجل طبيعى وشغلها مختلف قولتلها ما يجلكيش أدوار فيها قبلات و حب إثارة وإغراء ومفيش صور بالمايوهات أنا راجل صعيدى".
وعلقت الفنانة منة عرفة حول هذا:" هو له الحق أنه يضع شروط في الحاجات اللى مناسبة له وأنا أوافق أو موافقش مش بنفرض على بعض حاجات وبنا تفاهم جدا".
وروت منة عرفة كواليس المقابلة الأولى بينها وبين زوجها محمود المهدى والتى كانت فى شركة الإنتاج لحظة التعاقد على الفيلم وقالت: "كنت وقتها مش طايقة نفسى وهو كمان مكنش طايقنى لأنه كان شايفنى تنكة ومغرورة، وبعد ما مضيته، اتقابلنا فى التصوير كتير ومكنش فيه إعجاب طوال فترة التصوير، حتى جاء آخر يومين حصلت فيهم شرارة الإعجاب والانجذاب".
وبدوره تحدث محمود المهدى عن تطور العلاقة مع منة عرفة موضحاً: "بدأ يبقى معانا أرقام بعض من سنة تقريباً فى آخر يومين تصوير، وفى أحد الأيام لقيت صاحبة منة بتتصل بيا وقالت لى عاوزة أعرف دلوقتى انت ومنة إيه نظامكوا؟ وسألتنى أنت بتحب منة ولا لأ، سكت شوية وردت، أنا بصراحة أعجبت بيها فى الفترة اللى فاتت واعترفت، وكملت منة وقلت لها أنا معجب بيكى واتكسفت شوية وقابلنا بعض تانى يوم واتعشينا عشوة رومانسية وكانت بداية القصة الحقيقة".
