تحدثت الفنانة المصرية يسرا عن كواليس تعاونها مع الممثل المصري الشهير عادل إمام على مدار مسيرتهما الفنية الطويلة، قائلة: "دول أساتذة مش هيتعوضوا ولا يجي زيهم ولا ضفرهم، وأجمل ما في عادل إن كواليسه، الواحد بيبقى مبسوط وبيهزر، وعارف اسم كل واحد، جميل ودمه خفيف، ومش بيحب يعيد كتير، ولو حس إن عمل المشهد حلو مش هيعيده، ولو حس أنه مش مظبوط فيه هيعيده".

وأضافت يسرا، خلال لقاء ببرنامج "سهرانين"، المذاع على شاشة قناة ON، "لما عادل بيعمل دور لشخصية فقيرة كان بيلبس نضيف، لأن الفقر ملهوش علاقة، وكان كل الناس بتقلده في الزاوية دي، وبحب كل الأفلام معاه، اشتغلت معاه 17 فيلم، كنت ست محظوظة".

وسردت كواليس فيلم "عمارة يعقوبيان"، قائلة: "عمري ما هنسى الكماشة اللي عملها عليا هو والأستاذ وحيد حامد ومروان حامد وأصحابنا على (يعقوبيان) لأني مكنتش فيه، غير الـ5 مشاهد، فعادل قالي خليكي جدعة وتيجي تعملي معانا 5 مشاهد قولتله اشمعنا 5 مشاهد أنا عاوزة اشتغل، فقالي أقري فقريت فاتهبلت فقولتله حاضر، عملته بنفس، وقابلت الشخصية الحقيقية، وقلدتها بالظبط وبطريقة اللبس والشنيو والماشية، وقعدت معاها واتكلمت في حاجات كتير عشان أعرف هعمل الدور إزاي".

وأشارت إلى أنَّ عادل إمام عرض عليها عمل وهي لم تستطيع أن ترفضه، معقبة: "كلمت المخرج ورفضت فيلم عشان خاطر عادل إمام".

المصدر : الوطن المصرية