أبدى الموزع الموسيقي أحمد إبراهيم استياءه الشديد من مروجي الشائعات حول انفصاله عن زوجته المطربة انغام ورجوعه إلى طليقته الأولى، معبرا عن انزعاجه من تدخل الآخرين في حياته الخاصة وترويجهم الشائعات بدون التأكد من صدقها .

وأوضح إبراهيم أن نشر هذا الخبر يهدف الإساءة إليه وإحراجه أمام عائلته، مؤكدا أنه أصبح في موقف صعب أمام زوجته أنغام وطليقته ياسمين عيسى، ووجه كلاما قاسيا إلى مروجي الإشاعات

واتهم إبراهيم إحدى الصحفيات بنشر إشاعة انفصاله ووجه كلامه إليها قائلا: "بحب أقولك حديث النبي  (ص) مِنْ حُسْنِ إِسْلَامِ الْمَرْءِ، تَرْكُهُ مَا لَا يَعْنِيهِ، متابعاً : "هي مش ام اولادي بعتتلك وقالتلك انفي الخبر على لسانها وأنك غير مصرح ليكي تتكلمي عن حياتها الخاصة؟ مش هي صاحبة الشأن؟ " وفقا ل"سيدتي"

وواصل إبراهيم: "وبعيد بقى عن صحة الخبر من عدمها لأنها ماتخصش حضرتك ولا المتابعين لان حياتهم فيها ما هو اهم اكيد .. مش المفروض لما صاحبة الشأن تنفي خبر وتطلب منك زي ما كتبتي خبر من غير ماترجعيلنا تتاكدي لانه امر شخصي ليا واولادي وبيتي انك تنفيه على لسان صاحبة الشأن زي ما كتبتيه ولا سيباه ينتشر ؟ هيفرق معاكي صحة الخبر من عدمها في ايه هو انتي اللي هتصرفي على اولادي ولا عايشين عندك في البيت على حسابك؟ "

وعبر إبراهيم عن غضبه قائلا: "حضرتك قاصده تحرجي ام اولادي وتستفزي اهلها بالخبر ده انها رجعت بعد اعلانها طلاقنا بسبب زواجي (اللي انا بلغتها بيه واديتها حرية الاختيار)، ولا عاوزه تخلي الناس تتهمها انها كانت عامله فيلم غاويه شهره ولم تعاطف وفي الاخر رجعتلي؟ ولا قاصده تحرجي زوجتي المشهورة وتحطي اسمها في الخبر عشان الخبر ينتشر ونبقى مسار للهري من شوية المرضى اللي في مجتمعنا الحشري ولا انتي فاكره الناس طيبين قوي لو صح الخبر هيشوفوها جدعه اتصرفت بحكمه واحترمت خصوصياته مع اولاده وهيسيبوها في حالها؟

وكرر أحمد اعتراضه على التدخل في حياته الخاصة قائلا: ليه مافيش احترام لبيوت الناس ؟ احنا لسه هنسخن الناس تاني والاغبياء يرجعوا يقولوا ساب بيته وعياله وسرقته من بيته والهجص والسفالة دي كاني عندي ٣ سنين!! مش كفايا ساكت على الكدب والتضليل من البدايه ورفضت ادخل في خصومه مع ام اولادي والنتيجه ان علاقتنا اتحسنت كتير رغم حجم الازمه اللي افتعلت من الاعلام!

واختتم حديثه بقوله: واحدة في شهور عدتها وفي الرسالة بتقلك انفي الخبر لان علاقتنا ممتازة يعني انتي عشان تلمي الناس عليكي تبوظي الدنيا هو الفيلم البلدي ده مش هيخلص!! هل حضرتك هتجيبيلي انا وانغام حقنا من التجاوزات اللي في تعلقات الحشريين في البوست عندك او عند الناس اللي نقلت الخبر؟؟

يذكر أن أحمد إبراهيم كان تزوج من أنغام عرفيا منذ نهاية العام الماضي، إلا أنه أعلن الزاوج رسميا في شهر مارس الماضي وكان البعض قد فسر عدم ظهور أنغام وأحمد إبراهيم كثيرا في الفترة الأخيرة بأن هناك خلافا وقع بينهما حتى نشر أحد المواقع خبر عودته لأم أولاده وموافقة أنغام على بقاءها كزوجة ثانية، لكن إبراهيم نفى كل ما سبق جملة وتفصيلا.