كشفت الإعلامية المصرية مي حلمي، سبب إلغاء حفل زفافها على المطرب الشاب محمد رشاد قبل أيام.

وقالت الإعلامية المصرية "عارفين يعنى إيه بعد ما البس فستاني أقلعوا؟ بعد ما خلاص خطوه واحده من 4 سنين مستنياه تبوظ بسبب الناس اللي نقلت كلام غلط مش هقول الميديا، الميديا طول عمرها كده وقبل مااشتغلها وأنا عارفه إنها كده نتكلم عن الناس الطبيعية. إزاى قدرتوا تشمتو وتفرحو فى وجع غيركم واللي يدعى واللي يضحك واللى يقول أحسن، فهمونى انتوا بنى آدمين؟، بتخافو ربنا؟ طيب حتى لو نفرض وده فرضا أن حد من الطرفين غلطان ليه الدعى عليه والحسبنه ليه أصله مش هزار هتقوم من النوم تدوس عليه فهتنسى العشره والسنين وتقعد تدعى وتهين لا لا ابدا مهما حصل بتلاقي نفسك مش طايق كلمه وحشه على الطرف التأني ونفس الكلام للطرف الآخر".

وأضافت حلمي "مش عايزه اتكلم في أي حاجه غير عن وجع كسرة الفرحة، ولا إعلام ولا ميديا ولا دنيا ولا مين شمتان ولا مين فرحان مش فارقلى، كلنا بندور على الفرقعة على السبق اللي يضرب بس لو هتكلم عن نفسي عمري ما هعمل كده وقت غياب فرحه حد ومش أي فرحه دي فرحه العمر زي ما بيقولو. ازاى؟ ازاى قدرتو تعملو كده لكل الناس وأولهم القريبين، ازاى قدرتو تقولو كلام غلط وحكايات ما حصلتش ازاى سبتو فرحتنا على جمب؟".

يذكر أن حفل زفاف الإعلامية مي والفنان محمد رشاد تم إلغاؤه بعد ساعتين من بدء فعالياته في أحد فنادق القاهرة، وأرجعت إدارة الفندق هذا الإلغاء لوجود حالة وفاة في عائلة رشاد.

 

 

 

 

View this post on Instagram

 

 

 

 

 

 

 

 

 

مش عايزه اتكلم في اي حاجه غير عن وجع كسره الفرحه ،، ولا اعلام ولا ميديا ولا دنيا ولا مين شمتان ولا مين فرحان مش فارقلي ... كلنا بندور علي الفرقعه علي السبق الي يضرب بس لو هتكلم عن نفسي عمري ما هعمل كده وقت غياب فرحه حد ومش اي فرحه دي فرحه العمر زي ما بيقولو ..... ازاي ؟ ازاي قدرتو تعملو كده لكل الناس واولهم القريبين ازاي قدرتو تقولو كلام غلط وحكايات ماحصلتش ازاي سبتو فرحتنا علي جمب طيب هقولكم عارفين يعني ايه بعد ما البس فستاني اقلعو ؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفه انها كده نتكلم عن الناس الطبيعيه ..... ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين ؟ بتخافو ربنا ؟ طيب حتي لو نفرض وده فرضا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشره والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف الاخر .... بعد الهيصه والزيطه مابيفضلش غير الحلو وبيبان الوحش بس كل الي عايزه اقولو الشدد بتبين ... في الاخر حبيت اخرج كلام جوايا من الي شوفته اليومين الي فاتو و والله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا .... ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد ... كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا فرحه فستان #بتاعت_الراديو راجعه راجعه ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه.... نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض "الحب مابيتبعش" ولو ضيعتوه والله مابيجي تاني امسكو فيه مهما حصل اكيد هنطلع ونتكلم بس ادونا شويه فرصتنا مع بعض بعيد عن الاضواء وعاوزه دعوه حلوه لينا ارجوكم