قامت سيدة مصرية بنشر اعتراف في حسابها على مواقع التواصل الاجتماعي ، تعلن فيه انها كانت ضحية لخيانة زوجية ، فيما اعترف زوجها بانها كانت عبارة عن نزوة.

ووفقا لصحيفة المصري اليوم ، فأن السيدة المصرية قررت مشاركة الجميع عبر فيسبوك ، تفاصيل خيانة زوجها وتسرد طريقة اكتشافها الخيانة خلال فيديو بجرأة، وزوجها جالس بجوارها.

وقالت السيدة المصرية: "لقيت في يوم إن جوزي نسي موبايله مفتوح، وكان قاعد بيلعب أو يتكلم على الواتس آب، ويا حبيبي من كتر الفرهدة نام، وأنا زي أي زوجة مصرية أصيلة مش بدور وراه على الموبايل طبعا".

وتابعت: "ببص في الواتس آب بتاعه لقيت وردة وقلب والفضول قتلني، كانت الساعة واحدة وربع، ومنكتر الكلام اللي قعدت أقراه بكيت كتير، واكتشفت إن الراجل الأخرس جوزي محتاج حضن ورومانسي أوي".

واستكملت: "لقيت في الشات كلام غريب أوي، وإنها خايفة يتعلق بها ومتحسرين إنه متجوز".

ثم كشفت وجه زوجها وهو يقود السيارة، موجهة الكاميرا تجاهه، وقالت: "هي كانت حلوة؟" ورد الثاني: "الحمدلله وبجبر بخاطرها والبنت دي بالنسبة لي نزوة".

وأنهت الفيديو قائلة: "يا حبيبتي يا جميلة يا اللي خايفة يتعلق بيكي، متفتكريش إنك آخر قطعة والشات بتاعك كان فيه زيه كتير".