واشنطن / سوا / أثار ظُهور "مارك زوكربيرج" الرئيس التنفيذي لشركة "فيس بوك" وبجانبه مولودته الجديدة جدلًا واسعًا، لظهوره وهو يحمل كتاب لـ"فيزياء الكم للأطفال".

وأصبحت صورة "مارك" وتعليمه لرضيعته التي لم يمر شهر على ولادتها الفيزياء، صدمة كبيرة لمستخدمي "فيس بوك" العرب، إذ لم يتوقعوا أن التعليم يبدأ مع ولادة الشخص فورًا.

وقال "محمد مصطفى": "مارك زوكربيرج نشر صورة ليه من كام يوم مع طفلته الجديدة، وهوا بيقرالها من كتاب quantum physics for babies فيزياء الكم للبيبيهات، الموضوع في ظاهره لينا صادم طبعًا كمجتمع عربي مضروب في جذوره بالكلية في مُوضوع تربية الأطفال".

وتابع من خلال منشور له على "فيس بوك" تفاعل معه الآلاف: "مارك مبيعملش كده هباءً لأنه هوا عارف أن مستقبل العالم كله في فهم فيزياء الكم والعلوم الفيزيائية تحديدًا فبيطلع ابنه على الأقل مُرتبط بالحاجات دي من وهوا صغير، دخلت اقرا الكتاب ولقيته ونزلتهولكم على كذا صوره، لقيته أنه مشروح بطريقه ممتازه جدًا جدًا وعظيمة ومناسبة تمامًا للأطفال الصغيرين في عمر سنة ونص فما فوق اعتقد يعني".

وأضاف: "كملت بحث عن كتب الأطفال في العلوم عمومًا، اتصدمت حرفيًا لما لقيت كمان شرح فيزياء نيوتن للأطفال والكيمياء والتفاضل وجغرافيا، الأصعب من كل ده كتاب على "امازون" اسمه "شرح التكامل للرُضّع" تكامل ايه للرضع، إذا كان احنا الكبار كان بيطلع عينا فيه في الكلية، دخلت نزلت التكامل للرضع ده ولقيته عاملهم صور ملونة عظيمة جدًا جدًا جدًا ومُشوقه تربطه فقط بالموضوع، عشان لما يكبر يكون مهيأ نفسيًا لحب الحاجات دي، أطفالكم هما ثمرة حياتكم كل ما اهتميتوا بيهم أكتر وعملتوا أشياء مبدعة ومختلفة وجديدة في تربيتهم كل ما هتحصلوا على ثمرة تفخروا بيها بعد سنين وسنين".